又有心情寫BLOG啦，因為寶寶開始上Playgroup

不經不覺就2018年了，過去一年時間過得好快，忙自己忙家庭，一直無時間上網分享自己的生活點滴，連最愛的汽車消息都不像以往咁日日留意。但是近期家中寶寶開始上Playgroup，跟其他大哥哥一起玩耍後，明顯有了成長令我又開始有心情上網了~^.^~

因為寶寶是獨生子女，家中4大太歲一直當他如珠好寶，養成十分霸道的性格，不懂如何與自己年齡相仿的小朋友相處。這令我一直非常擔心，人際關係對小朋友的成長和發展息息相關，家中親戚又不多，不懂與別人相處會結交不到朋友，哪麼獨生子女的他將來要怎麼辦呢?

之前聽一些媽媽說話小寶寶上Playgroup後開始無以前咁獨，會開始和其他小朋友玩，會懂得謙讓，會同小朋友分享玩具。所以我就上網做下Researches，睇下有咩Playgroup適合他寶寶。看過一些文章後，我發現這種教育方式叫混齡教育，而所謂混齡教育是指打破班級和年齡界限的幼兒,在教師的指導下共同遊戲、共同學習、共同開展活動，而不是像傳統幼兒園中以孩子年齡劃分小班，中班和大班分開學習。

而這種教育理念正是在蒙特梭利教學所提倡的，是一種幫助孩子建立自信和自我主義的教學方式。雖然好似有好多好處，但對其中混齡教育還有一些疑問，因為寶寶年齡太小，有些擔心他會被大哥哥欺負，直到我找到一篇關於混齡教育的文章令我了解到更多關於這類教育的特色和注意事項，詳細內容可以看”混齡教育會演變成欺凌嗎？”。呢位媽媽分析左孩子會衍生欺凌他人的原因，亦有介紹一些例子令我放心去試這類Playgroup。經過一個多月的嘗試，我真的發現Playgroup好有用，其他媽媽值得一式

UBER又出事，會唔會關你事呢?

呢2日又睇到關於UBER既新聞，警方放蛇先後拘捕22名Uber司機，同之前被捕既司機一樣，被控涉嫌「非法駕駛車輛作出租或取酬載客用途」和「駕駛汽車時無第三者保險」。其實今次既行動真係一啲都唔意外，自從之前UBER司機被判敗訴已經好明顯知道係唔合法，無論係網上定其他媒體都提醒過各位要小心，雖然UBER話支持車主，但究竟點支持或者有無能力支持呢? 始終有罪既係司機唔係UBER，佢地梗可以好口響。

另外，本身UBER出黎講野就好有誤導性，一時又話已經買左工保，一時又話UBER只係俾多啲選擇市民，仲同旗下司機洗腦，又一直暗啞底宣傳做UBER司機好好賺。只會報喜唔報憂，係無保險既情況下出車禍可以好甘，司機分分會破產，乘客如果無錢可能連醫生都無得睇。

UBER雖然吹到好好搵，但是做UBER司機本身就遺法，賺到既錢係咪真係cover到罪成既cost先。如果罪成留案底對未來影響真係好大，申請政府工，移民等都有影響，而且更會影響下一代，因為子女申請政府工都要查家宅。

查實，講開的士服務又真係把幾火，平時要坐時多數都擮唔到，特別係夜晚，的士佬真係串到一個點，呢個又話近唔去，果個講個幾倍既價錢問你搭唔搭，有啲仲雖冷笑開車唔理你。香港的士咁既服務真係唔怪得人唔想搭。

如果真係要改善白牌車問題，的士牌老闆唔好食水咁深，司機唔洗下下長途，過海先為到本，加上培訓下司機的行為態度，可能比放蛇檢控仲有效。係香討都有好多人講緊呢件事，咁揚去犯法，差佬點會唔捉你呀。希望各位車主唔好以身試法，搞到一身蟻就你係無謂啦。

2017新車登場

有一段時間比較忙了，到近排先可以抽到些時間看看有什麼靚車發佈。最近新車中比較吸引的個人覺得是Porsche 911 Turbo S，，新版馬力提升至580hp，0-100km/h更首度衝破3秒關口，僅2.9秒。這款全新「波子」主打而強動力，低油耗及易掌控，屬於易上手的超跑，大家一齊看看相先:

根據試車報告，Turbo S的表現十分剽悍，踏油反應極快，強大推背感與加速力令人熱血沸騰，而極速之下的景物轉移更増加了視覺震撼。總結一句就是正!

另一部期待以久的車應該算是Polestar，它之前是專門幫助 Volvo 改裝汽車參與 WTCC世界房車賽和 STCC北歐房車賽等賽事，現在已經被Volvo收購。Volvo S60 Polestar遵循Volvo一貫以來安全，穩重，豪華，舒適的重點，給人穩重得來又不沉悶的感覺，一直有一班忠實捧場客。

最後介紹埋呢鴐Mercedes-AMG E 63 Estate，因為之前同親戚小聚說開Sunday Driving，佢話一家3口放假鍾意遊車河去下郊外Relax下，想家人坐得舒適溫，都是覺得買鴐旅行車好的。這鴐車擁有4Matic+ 四驅系統，共5 個駕駛模式，重點是有個又大又實用的尾箱，放平後坐尾箱容量更大。真的十分適合一家大小出行，如果有小朋友，車尾箱就一定要更大更寬才可以放置BB車之煩的大件物品，預防小朋友扭計玩具更少不了。這部車性能外觀都不俗，值得一看。

無論你要買三保定全保，一定要找一間信譽良好的持牌保險公司

近排有關車保的消息真是多不勝數，其中最多人留意的新聞一定是立成保險騙案。據報警方發現近1,000張懷疑有問題保單，涉及700多名事主，保守估計，涉及保金總額逾200至300萬元。雖然很多人會問點解咁多人被騙，是否當時人太蠢呢?其實不然，只是太過粗心而已。

無論你要買三保定全保，一定要找一間信譽良好的持牌保險公司或代理。今次事件好多受害者聲稱難以相信自己購買的車保要假的，因為把保單交上運輸署時一直沒有阻滯，十分成功地辦理所有手續，那怎會知道自己最後竟然買了假車保呢。是呀，為什麼呢?看到這裡大家好像一直沒有發現問題，但其實問題一早就出現了。

如果車主有細心留意運輸署的指引就會發現，當中有提及確保保單的真偽是車主的責任，因為不是運輸署要提醒你，而是車主應該提交真實文件。所以為免墮入車保陷阱，車主應該要細閱保單內容及選擇持牌保險公司。

雖然說不應以貌取人，但我們購買車保時都應留心保險公司是否似正規公司，個人感覺立成保險的公司十分”流”。

另外溫馨提示一下，如果閣下是今次騙案的車主，應該馬上停止駕駛以及立即購買一份新的汽車保險。以下是五間受影響的保險公司及聯絡電話:

P.S. 所有圖片如果有版權問題，請聯絡版主刪除，謝謝。


另外幫手share下朋友個Blog, 分享一下生活的趣事。

Dream Car唔係夢

今時今日既香港，好多時會聽到話好多虎爸虎媽，其實佢地既出現都係環境迫成。舖天蓋地既廣告既話唔好輸在邊條線，其實都係為左賺$$$，但不能否認商家確實摸準家長既心態，愛子女既心令佢地不惜大灑金錢。

好啦，講完啲咁嚴肅既野之後都係講番輕鬆啲既Topic啦，其實我既有感而發都係因為羨慕妒嫉恨姐，想當年我既爸媽都好錫我，但始終科技仲未有今日咁發達，買比我玩既野當然無宜家既小朋友玩既咁High Tech同High Class啦。即刻睇下宜家小朋友玩既係咩啦:

拿，拿，拿，你無睇錯吖，就係咁堅既McLaren P1 開篷全電動玩具車。我地大人想有呢架車係夢…想，但對小朋友就唔係啦。呢架全電動玩具車擁有開頂設計，中置駕駛席，性能仲十分唔錯，對小朋友黎講，2秒便能到達極速4.8km/h，真正係好玩之選，價錢只係EUR$375，相信好多家長都會入手。

又係我至愛既車門design，宜家小朋友太幸福啦。

放多一兩張其他牌子既車比大家睇啦

P.S. 所有圖片如果有版權問題，請聯絡版主刪除，謝謝。

“I Love Porsche”??

琴日search緊Wi-Fi hotspot既時候，咁岩見到有個Wi-Fi名叫做 “I Love Porsche”，心諗邊個Porsche發燒友愛車愛到呢個程度呢，即刻左望望右望望，睇下邊個個樣似係會改咁既名既人啦。突然，一間火紅色既Porsche停左係隔離，好啦，唔洗諗都知道係邊個。雖然架車好快開走左，但之後成日都心思思，想做就做，即刻search下Porsche既新車先。

原來近期Porsche有新車出，Porsche 718 Boxster S 用左四缸Turbo引擎，動力有增無減，兼且更節能和低碳。無論起步或加速，只要一踩油，引擎、油門及波箱都反應極快。 而且，開篷跑車不嬲都係我的最愛….之一。由於動力和底盤剛性也有所提升，令到開篷跑車更加俐落快穩攻彎，動態比舊版更見從容，簡單黎講就係更加型啦。

唔好再講咁多，睇相啦。

P.S. 所有圖片如果有版權問題，請聯絡版主刪除，謝謝。

原來汽車保險比想像中重要，遇到交通意外說話要小心

琴日在網上討論區游下游下，見到有人講緊剛剛在公路撞車，對方叫白車又報左警，之後對家車主打電話要claim 9萬幾蚊維修費(@0@)...更多多少少要脅事主如果不私了了事的話，驚動了保險公司就會連他老婆的湯藥費都會計算在內向事主追討，事主聽到之後差點嚇傻了，寫了篇貼文上討論區求教後引起了激烈討論。

好多師兄都教事主不要被對方嚇到，咁大條數不報保險索償十分愚蠢，而且叮囑事主要將對話錄音做記錄，仲要盡快報備保險公司，千萬不要一個人蠢蠢地私了賠錢。見到事主的例子，真是連我這個想上車的馬路殺手心都離一離。所以特意上網搜尋一下發生交通意外應該注意的事項。不查不知，原來有好多事都非常容易被忽略，但偏偏卻異常重要。例如向汽車保險公司索償，原來很多時意外發生後衝口而出的說話會影響索償成功與否，真是陷阱處處。

等我同大家分享下這些不能說的說話:

• 「Sorry」
• 「我諗...」
• 「我冇受傷」
• 「我扭親條頸」
• 「我架係改裝車」
• 「我係共乘車司機」
• 「呢份係我嘅正式口供」

相信大家都好驚訝，平時口頭禪般的一句”SORRY”，竟然都是不能說的說話。原來因為sorry之類的說話，一般都是在犯錯後才會說的，所以這樣說差不多等於承認責任，十分不利。而「我諗...」就好像是你在揸車時沒有留意路面情況，很可能因此被認為不小心駕駛。

如果遇上交通意外，當時自己感覺沒有受傷而說「我冇受傷」，即使之後醫院驗傷發現有傷在身，保險公司都可能拒絕作出賠償。相反，虛報傷勢亦影響索償結果。所以如果沒有受傷，千萬不要吹噓「我扭親條頸」之類的話。

另外，類似「我架係改裝車」或「我係共乘車司機」的話也不應該說，因為大部份的保險計劃都不包括後加的零件，因此這些部件損毀亦不會得到賠償。而共乘車司機因此沒有持有有效的牌照，不是合法駕駛，所以意外發生時不一定會受保。當然，每個人的車保計劃各有不同，詳情應該向自己的保險公司查詢。

最後，向警方落口供跟索償息息相關，你不應該在沒有確切證據下怪罪他人或承認自己犯錯，清晰詳盡和真實的口供可以加快索償程序，但不要隨便說「呢份係我嘅正式口供」。因為，一但你這樣說，你的口供再無更改的可能，你應該在醫生正式診斷後和聯絡保險商後才能說，否則，很可能會影響索償結果。

看到這裡，大家應該”袋左唔少錢落袋”，對於我這種後備馬路殺手來說，亦獲益匪淺，最起碼見識到炒車真是後果嚴重，不只影響身體健康，更更重要是影響銀包健康@@。

Source:www.txdot.gov

P.S. 所有圖片如果有版權問題，請聯絡版主刪除，謝謝。