令人一見難忘的Ferrari Formula 1**^0^**

上次同大家介紹完我既Dream Car，今次我再同大家share下其他我鍾意既車Brand。就係Ferrari啦。講起我同Ferrari既淵源，其實係因為我好細個時屋企人超鍾意睇F1，仲係 Ayrton Senna時代，可能大家都估到我既 age range... 果時我細細個唔識野，只係跟住大人一齊睇，其中最鍾意既就係Ferrari車隊，好sharp好搶眼既紅色，成架車既線條都好吸引人，當然呢D係大個左先至咁諗，細個時只係覺得好靚，印象深刻，直至宜家都仲記得既車隊都只係得佢咋。即刻Post 2張靚靚既Ferrari相先，第一張係F1既相，第二張係之前係Ferrari官網見到既，咁靚當然要開心share。

Source: www.motorsport.com

Source: from Ferrari office website

上面第二張相真係好impressive，我一睇就愛上左，型，英，帥，靚，正。勁似現實版Transformer。向上開既車門永遠係我的最愛，無得輸。車既尾翼設計簡直一流，前凸後翹的視覺震撼，絕對eye catching，絕對值真心Like。

雖然好多人覺得男人先至愛車，無可否認好多女士如我自己都唔係睇車既性能，只係睇樣。但隨著愈來愈多女士上車做車主，除左安全外，其實好多車廠都已經研發專攻女性市場既車款。而且，好多男士都會揸車接女仔，買車時都會問下佢地意見。所以話呢，下次聽到有女仔只係揀邊架車比較靚，千其唔好笑佢，因為佢地既意見都好有代表性架。

P.S. 所有圖片如果有版權問題，請聯絡版主刪除，謝謝。

終於開左個Dream Car Blog啦

一直一直都好想開一個Blog，可以同人分享下我覺得得意有趣既人,事同物。諗左好耐好耐，今日終於都疊埋心水開左啦!!!!!!

開Blog第一post，就梗係放啲自己鍾意既嘢啦。咁岩呢期我睇緊關於車既資料，咁就點都要介紹下我的至愛 -- Lamborghini，特別係橙色既林寶堅尼，好Sharp好靚，鍾意到不得了，呢世人都唔知有無可能買得起。不過就算買唔起，都睇得起吖!

Source: <http://7-themes.com/6968651-orange-lamborghini-city.html>

Source: <http://www.thesupercars.org/lamborghini-super-cars/orange-lamborghini/>

 作為一個外貌協會資深會員，對於車既要求第一一定係靚，第二就係安全，性能之類果啲就係佢識我我唔識佢啦。我宜家搵緊一架岩心水既代步車，安全同$$就梗係第一個要concern既事，現實歸現實吖嘛，不過，靚唔靚就點都要考慮架啦，遲啲搵到就再update大家啦。

另外我都仲有個休閒啲既BLOG，大家有興趣就過去睇下啦^^

P.S. 所有圖係係Google Image搵，如果有版權問題，請聯絡版主刪除，謝謝。